Почитувани посетители на нашата веб страна, добродојдовте.

Во ова мое обраќање би сакала во мое лично име, но и во името на името на тимот на ЕУ ИНСТИТУТ Скопје да ве информираме за нашата идна работа и активности во 2020 година.

Спроведувањето на знаењето е една од стратегиите за постигнување успех и среќа.

Годината ја започнавме со едукации на тема комуникациски вештини и финансиска писменост. Овој тренд на работа ќе го задржиме и понатаму. Промоција на говор на позитивизам е само дел од нашите мотивациски говорења кои ќе ги реализираме во оваа година.

Основата на секој еден од нас е дека за да се биде успешен во ова денешно време во кое што живееме, потребно е пред се да се има способност да навлезе длабоко во себе, да го открие сопствениот потенцијал низ личен раст и развој, доаѓајќи до крајната цел, чекор поблиску до своите соништа и успех.

Длабоко верувам дека од сите нешта кои можат да имаат влијание на нашата иднина, личниот раст и развој е најголемата, но и најмакотрпната алатка за успех.

Препорачувам секогаш да инвестираме во сопствена подобра иднина.

Доколку сакаме успешно да го започнеме ова патување во светот на неформална едукација и доживотно учење, советувам како прво, да почнеме да вложуваме во сопствен образовен фонд. Ве уверувам дека воопшто не е важно колку сме возрасни, ова важи за сите нас. Како следна ставка која е поважна од нашите финансии кои би ги вложиле во доедукација е нашето време, кое ќе мора да го одделиме, доколку сакаме утре да сме поуспешни од денес.

И секако на крајот, доколку навистина сакаме да успееме ќе треба да вложиме голем труд.

За се ова да го постигнеме, мораме да собереме доволно позитивна енергија која правилно ќе ја усмериме. Таа ќе ни донесе успех и среќа.

Ви благодариме на сите вас кои не следите уште од нашето основање. Заедно научивме дека човечкиот фактор е предуслов за квалитетна комуникација. Учевме заедно едни од други.

2020 ни донесе нови предизвици и искушенија. Покрај социјалната дистанца, поради глобалната пандемија која што ја предизвика Ковид-19, повторно бевме заедно преку дигиталните канали и алатки. Како граѓанска организација се потрудивмe позитивно да влијаеме на менталната хигиена, во услови на изолација.

Поучени од новите искуства, фокусот во оваа 2020 година ќе ни биде насочен на комуникациски вештини преку дигитални алатки. За вас подготвивме извонредни модули на оваа тема кои со посебна посветеност ќе ги имплементираме во работата.

Продолжуваме и понатаму со реализација на едукации во сфераta на дигитална писменост на населението. Целна група ќе ни бидат младото население и возрасното население. Отворени сме за соработка за сите вас кои сакате да бидете дел од нашите работилници, семинари, консултации и советувања. Добредојдени се сите ваши предлози кои вие би ни ги упатиле, се со цел да бидеме поблиску  до вашите потреби за решавање на одредени проблеми кои ги имате во општеството.

За крај, целта на посета на нашите мотивациски говорења, семинари, предавања е да секој еден од вас добие идеја и можност и да ви помогнеме да го спознаете споствениот потенција.

 

Со почит,

Верица Пандилоска Гичева