Доколку немаш CV, напиши ни нешто за себе, и испрати ни кратко мотивациско писмо на меил: : contact@euinstitute.eu
Обраќање на претседателот
Почитувани идни членови на U4Future,
Со големо задоволство и возбуда, ви се обраќам како претседател на ЕУ ИНСТИТУТ Скопје, за да ве поздравам и пречекам во нашиот европско семејство. Ова обраќање е посветено на Вашето добре дојде воU4Future, како потенцијални и нови членови во нашата заедница.
Вашето приклучување во U4Future е вистински повод за славење. Станувајќи дел од оваа престижна заедница, ќе имате можност да се приклучите на широк спектар на активности и иницијативи кои ги нудиме на нашите членови. Нашата цел е да промовираме младите луѓе, нивни идеи и таленти, како и да ги поддржиме иостите во нивните напори за развој и успех во различни области.
U4Future е место каде што можете да ги проширите своите хоризонти, да изградите пријателства и колаборации со млади луѓе првенствено од нашата РСМ, но и од други различни држави и култури. Преку нашите настани, работилници и размена на идеи, сите членови имаат можност да учат и да размислуваат за значајни прашања и предизвици кои пред нас ги става современото општество.
Како претседател на U4Future, јас и целиот наш тим сме овде за да ви помогнеме и поддржиме во секој аспект на вашето членство. Ве поттикнуваме да се вклучите во дискусии, да споделувате своите идеи и искуства и да ја искористите секоја можност за развој и раст на личен и професионален план.
Од денес, вие сте дел од една динамична и посветена заедница. Искористете ја вашата членска привилегија и бидете активни учесници во нашите активности и проекти.
Веруваме во вашата способност да придонесете со своите идеи, иновации и ентузијазам. Имајте смелост да се изразите, да се ангажирате и да бидете водечки фигури во различни иницијативи на клубот. Нашата заедница има потенцијал да инспирира и да иницира позитивни промени во ова наше опкружување, а вашиот придонес е важен дел од тоа.
Постојат многу можности за развој и напредок во U4Future. Затоа, нека вашето членство биде време на предизвици, учење и раст. Бидете мудри и искористете дел од вашето драгоцено време за да ги проширите своите хоризонти, да стекнете нови вештини, знаења и кариерен напредок, но и да создадете непроценливи врски со луѓе од РСМ и Европа.
И да не заборавиме зошто ние возрасните сме тука – за да ви дадеме ветер во грб и да Ви помогнеме и послужиме како столб на општа благосостојба во градење на нашата иднината и иднината на следните генерации. Во U4Future, ќе добиете можност да бидете иницијатор на промени, со кои заедно ќе го инфлуенцираме и обликуваме светот во кој сакаме да живееме.
Со големо задоволство ве пречекувам во нашата заедница. Добредојдени во U4Future!
Со почит, Верица Пандилоска гичева – Претседател на ЕУ ИНСТИТУТ Скопје
