На 4ти ноември 2024 година, ЕУ ИНСТИТУТ Скопје организираше исклучителен настан во соработка со IACD Академија за естетска стоматологија и Интернационалниот универзитет ЕУРОПА ПРИМА. Настанот беше посветен на зајакнување на партнерствата, препознавање на досегашните успеси и мотивирање на идните генерации.
Признанија и благодарности
Во свечена атмосфера, на нашите долгогодишни соработници им беа доделени прикладни спомен-награди и благодарници за нивниот придонес во заедничките проекти. Дополнително, на странските студенти кои успешно ги завршија тренинг обуките им беа доделени уникатни статуетки, симболизирајќи го нивниот успех и напор.
Истакнати говори и силна порака
Присутните ги поздравија:
- Д-р Коте Тасевски, кој го истакна значењето на континуираната едукација.
- Проф. Д-р Јордан Плевнеш, со мотивациска порака за младите како носители на промени.
- Проф. Д-р Зенделабедин Шехи, кој не само што додели признанија туку и ја затвори вечерта со инспиративен говор. Со својата харизма и енергија, тој внесе позитивност и ја испрати силната порака дека заедничката работа секогаш води до големи резултати.
Интернационален дух
Настанот беше збогатен со интернационална музичка програма, која придонесе за пријатна и опуштена атмосфера, обединувајќи ги гостите од различни сектори – вклучувајќи и претставници од секторот за високо образование при Министерството за образование и наука.
Заеднички цели за подобра иднина
Овој настан уште еднаш потврди дека соработката помеѓу институциите не е само потребна, туку и неопходна за создавање можности кои ги унапредуваат младите и нивните професионални капацитети.
Текстот е авторски! За споделување на содржината и објавување (во целост или парцијално) потребно е да побарате дозвола од авторот и да го наведете изворот!

Напишете коментар