На 13 септември 2024 година, Здружението за образовно истражувачки развој ЕУ ИНСТИТУТ Скопје направи значаен чекор во унапредувањето на својата мисија за едукација и истражување. Официјално потпишавме Меморандум за соработка и меѓусебно разбирање со Институтот Академија за естетска стоматологија – Скопје. Овој документ постави темели за нови заеднички активности во областа на стоматологијата, комуникациските вештини и професионалниот развој, отворајќи нови можности за взаемна соработка во поле на образованието, истражувањето, и во практичната примена на современите методологии.
Основни цели и принципи на соработката
Меморандумот се фокусира на:
- Организирање на заеднички активности: семинари, обуки, тренинзи, конференции, публикации и образовни програми.
- Размена на експертиза и ресурси: двете страни се обврзуваат на еднаков третман во рамките на нивните соработки.
- Почитување на организациските политики: партнерството е базирано на взаемно разбирање и почитување на воспоставените начела и стандарди.

Прва заедничка интернационална тренинг програма
Во рамките на соработката, набрзо по потпишувањето на меморандумот, беше организирана прва интернационална тренинг програма за дигитална рентген дијагностика со употреба на “CBTC“ компјутеризирана томографија.
Програмата опфати:
- Теоретски и практични сесии за примена на CBTC технологијата во имплантологија, ендодонција, ортодонција, и максилофацијална хирургија.
- Современи стандарди и принципи за клиничка едукација на едно место.
- Додатен акцент на комуникациските вештини, особено емпатијата во односот помеѓу лекари и пациенти.
Придобивки за учесниците
Учесниците имаа уникатна можност да ги прошируваат своите знаења и вештини преку:
- Обука со водечки експерти од двете институции.
- Клиничка едукација базирана на најновите технологии и стандарди.
- Развивање на вештини за професионална комуникација, што е особено важно за градење доверба меѓу пациенти и стоматолози.
Сертификати и признанија
Сите учесници на програмата добија акредитирани сертификати издадени од:
- Приватен научен институт – Академија за естетска стоматологија
- Здружение за образовно истражувачки развој ЕУ ИНСТИТУТ Скопје
Важноста на оваа соработка
Овој меморандум претставува значаен чекор за зајакнување на професионалните стандарди во образованието и стоматологијата. Преку вакви партнерства, се отвораат можности за иновации и континуиран развој, не само во локалниот контекст, туку и на интернационално ниво.
Нови хоризонти во образованието и професионалниот развој
“Со оваа соработка, нашата визија за унапредување на образованието и професионалниот развој станува реалност. Взаемната поддршка помеѓу двете институции ќе придонесе за создавање нови вредности и стандарди,” истакна м-р Верица Пандилоска Гичева, претседател на ЕУ ИНСТИТУТ Скопје
Текстот е авторски! За споделување на содржината и објавување (во целост или парцијално) потребно е да побарате дозвола од авторот и да го наведете изворот!

Напишете коментар