2024-Бладодарница-на-м-р-Верица-Пандилсока-Гичева-и-Проф.Д-р-Зенделабедин-Шехи-од-Здружение-на-просветни-работници-на-град-Скопје

ЕУ ИНСТИТУТ Скопје со благодарница на манифестацијата “Просветен работник на годината 2023/2024”

На свечената манифестација „Просветен работник на годината за учебната 2023/2024 година“, која се одржа на 20 ноември 2024 година во Музејот на македонската револуционерна борба, м-р Верица Пандилоска Гичева и проф. д-р Зенделабедин Шехи, претставници на ЕУ ИНСТИТУТ Скопје, добија благодарници за нивната посветеност и придонес во едукацијата и тренингот на воспитно-образовни работници во секторот образование.

Настанот беше организиран од страна на Здружението на просветни работници на Град Скопје, со поддршка од Град Скопје, и собра бројни истакнати учесници и гости, меѓу кои ученици, родители, наставници и претставници од локалната заедница.

Манифестацијата беше одбележана со богата програма, изведби од ученици и доделување на признанија на најдобрите просветни работници во различни категории.

„Да се биде учител е најблагородната, но и најодговорна професија,“ беше пораката на настанот, која ја нагласи претседателката на Здружението, истакнувајќи ја важноста на образованието за иднината на општеството.

Проф. д-р Зенделабедин Шехи ја дополни свеченоста со инспиративна изјава, повикувајќи се на зборовите на Гоце Делчев и Меша Селимовиќ:

„Јас го разбирам светот како поле за културен натпревар меѓу народите, каде што знаењето и мудроста се оружја за прогрес. Како што рекол Меша Селимовиќ, ‘Човек без знаење е како куќа без темели’. Образованието е темелот на секое општество, и за мене е привилегија да работам со луѓе кои го споделуваат овој идеал.“

Претседателката на Здружението, Катерина Митковска Сирма, истакна дека учителите се столбот на секое општество и дека ваквите признанија имаат за цел да го поттикнат нивниот професионален развој.

Свеченоста беше дополнета со богата културно-уметничка програма, во која учествуваа ученици и просветни работници, кои преку музика, поезија и сценски настапи го славеа значењето на образованието.

2 Responses

  1. Олгица Бајалџиева

    Почитувани, во име на Здружението на просветни работници на Град Скопје, ве молиме за дозвола за споделување на Вашата објава во целост, поврзсна со настанот одржан на ден 20.11.2024 година.

Напишете коментар

Вашата адреса за е-пошта нема да биде објавена. Задолжителните полиња се означени со *