Дипломатијата и улогата на говорот на телото

категорија: Говорот на телото | 0

Кога ќе го видиме пишан зборот дипломатија, веројатно веднаш замислуваме вести, претставници од неколку земји кои седат наоколу и се обидуваат да постигнат договор за која било тема и слично. Говорот на телото е составен дел од дипломатијата меѓу народите, но она што можеби не го сфаќаме е дека многу исти принципи на меѓународната дипломатија се применливи и за нашиот сопствен живот. Говорот на телото го дефинираме како јазикот на човечноста.

Говорот на телото и меѓународна дипломатија

Меѓународната дипломатија во голема мера се потпира на говорот на телото и на невербалните знаци. Сè, од тоа каде учесниците седат на преговарачката маса до употребата на гестови па до самите преговори, вклучува употреба на говор на тело за испраќање и примање пораки и информации. Во многу случаи, тој говор на тело е многу намерен, дизајниран особено за да влијае на дипломатскиот разговор.

Квалификуваните и вешти дипломати разбираат колку има големо влијание на говорот на телото во:

• Културата

• Полот

• Ниво на лутина или конфронтација

• Различните вредности

• Различни верувања

• Различни цели и склопот на резултатите

Како резултат на овие параметри, тие проучуваат што е можно повеќе за лицето/та со кои ќе комуницираат се со цел да ги направат најдобрите избори во говорот на телото и невербалните пораки кои ќе ги упатат во преговорите.

Говорот на тело и секојдневна дипломатија

Би било препорачливо да погледнеме како аспектите на меѓународната дипломатија се корисни за секојдневната дипломатија. Дипломатијата може да изгледа како многу формален збор за видовите интеракции што ги имаме секој ден, но всушност многу пати тоа е она што навистина се.

Да размислиме кога последен пат сме имале конфликт со соработник или несогласување со сопругата, можеби децата и слично и како ја изменаџиравме и решивме ситуацијата? Најважно, колку од она што го направивме наликува на прашања поврзани со дипломатијата, како што е на пример опишано и дадов насока погоре во текстот? Да речеме, ние и соработник имаме конфликт околу најдобриот начин да ги повикаме гостите на неформално дружење и презентација. Додека работиме на усогласувањата на нашите мислења за пристапот на решавање на проблемот на најсоодветен начин, да размислиме за следново:

Култура – Ова може да се однесува на културата во која сме биле сите ние семејно воспитани, или може да се однесува на културата на конкретниот оддел или работна група на која припаѓаме. Некој е од одделот за неживотно осигурување, друг е од оддел за животно осигурување, трет е од оддел за инвестициски фондови, четврти од сектор маркетинг на пример, петти доаѓа од друга работна култура од некој друг дел од финансии.

Пол – Иако полот во работата не е приближно толку проблем како порано, секогаш ќе има прашања поврзани со полот заради разликите во тоа како секој пол испраќа и прима невербални сигнали.

Ниво на лутина или конфронтација – Колку повисоки се нивоата на лутина или конфронтација, толку е помала веројатноста успешно да го решиме конфликтот. Мора да внимаваме на говорот на телото бидејќи може да се сфати како агресивност или предизвикување во повеќето случаи. Затоа, најдобро е да земеме длабоко воздух, да се опуштиме и можеби дури и да се одвоиме едни од други некое време за да се „искулираме“ и да влеземе подоцна смирени, со ладна глава и со подобра рамка на сопствениот ум.

Различни вредности – Две лица на исто работно место можат да имаат многу различни вредности кога станува збор за деловни прашања. За еден од нив можеби идејата за континуирани повикувања на гости во смисол на маркетинг и продажба на клиенти е невкусна и премногу нападна, додека друг соработник не гледа ништо лошо во кампањите за повикување гости и слично.

Различни верувања – Сопствените верувања ги формираме и зависат од повеќе фактори, но мора да имаме во предвид и да запомниме дека верувањата на другата личност се исто така создадени и обликувани од повеќа различни искуства и фактори. Можеби ние како понудувач на одреден производ веруваме дека побарувачката за истиот ќе расте и ќе се развива, но друга личност поради други одредени сознанија, причини и размислувања, можеби и не е толку сигурна во тоа и затоа не сака да биде премногу агресивна со производот како таков.

Различни цели / претпочитани исходи – ова е честопати главна основна причина за конфликт меѓу соработниците. На пример, вашиот претпочитан исход може да биде стопирање на продажбата за да се завршат важни детали кои клиентите ќе ги бараат. Но префериран исход на некој друг може да биде забрзување на герила кампања за продажба за да се исполни и надокнади и заостанатата продажба со сите цели до крајот на месецот. Овој вид конфликт може да стане особено тежок ако едното или двете лица имаат провизии или бонуси поврзани со постигнување на претпочитаниот исход. Во овој случај, дипломатијата ги зема предвид сите вообичаени прашања кога се работи за говорот на телото пред интеракции со друга личност. Ова е особено точно во конфликтни ситуации.

За крај на денешното дружење советувам, секој пат кога не се согласуваме со друга личност за било која приватна или службена тема на разговор, потребно е да одвоиме моменти и да се потсетиме на листава категории со важни насоки. Конфликтите во било кој поглед мора да ги согледаме и опсервираме од двете перспективи. Она што секој од нас ќе го открие може и те како да ни помогне да го одредиме најефективниот модел на говорот на телото кој е потребен да се искористи во одредена ситуација.

ISBN 987-608-4880-03-5 Материјалот е авторски. Секое реобјавување мора да е во согласност со авторот каде јасно ќе биде ставен изворот на текстот.

Напишете коментар

Вашата адреса за е-пошта нема да биде објавена.